Meim Packing List - لستة احتياجات السفر

السلام عليكم ,,


قبل مده سالت بسناب جات (Snapchat : Mdiym )  اذا حابين اسويلكم قائمة لـ السفر تذكركم بالاغراض الناقصة وترتب لكم افكاركم بحيث ان ماتنسون ولا شي من الاغراض المهمة .


والغالبية وافقوا ويبون هالشي . .خذيت وقتي وانا اصمم القائمة عشان لا انسى ولا شي ..فـ خلصتها ولله الحمد وعدلت عليها ..

اول شي بشرح لكم القائمة ترتيبها شلون :

بالبداية تكتبون وين الوجهة وعدد الايام والليالي التاريخ ..

بعدها في قائمة لـ الملابس حق كل يوم في تنسيق لبس انتو تختارونه وتحطون صح  ✓ عند كل شي جهزتوه بالجنطة

مثال : لبس اليوم الاول : 

جاكيت 

توب

بنطلون 

اكسسوار

جوتي رياضه 

نحط صح ✓ عند كل شي رتبناه بالجنطة .

انا حطيت لكم مربعات لـ ٨ ايام وتقدرون تطبعون اكثر من نسخه اذا رحلتكم لمدة اطول ..

بعدها تلقون قائمة المستلزمات الاساسية والطبية و المكياج والالكترونيات وحطيت لكم اكثر من مربع فاضي انتو تكتبون احتياجاتكم الثانية .

الي كتبته بس الاساسيات لكل شخص وفي شغلات اضافية ممكن تفرق من شخص لاخر ..

اتمنى تعجبكم القائمة خصوصا انه مافي بالنت محتوى عربي اغلبيتهم باللغة الانجليزية ..

لـ تحميل القائمة :


Meim Packing List