ماسك الافوكادو لـ الشعر والبشره ميم بوست

نصايح لـ طالبات الجامعه - ميم بوست

نصايح لـ طالبات الجامعه :* 

< افضل المواقع لـ مشاهدة الافلام من خلال تجربتي >

السلام عليكم ورحمة الله …

لستة تجهيزات الحج + لستة جاهزه لـ الطباعه

..

السلام عليكم ورحمة الله ..

بما ان قرب موسم الحج الله يكتبلكم لكم حجه قريبه ان شاءالله 

Color Pop Yay Or Nay - رفيو عن منتجات كلربوب

السلام عليكم حبيباتي :*

اليوم موضوعنا غير شوي :* بنطلع من جو القهو والتنظيم والسكن كير :*

بتكلم اليوم عن ماركة انشهرت وانشرت باخر فتره وعليها اقبال كبير ليما الحين ماراحت هبتها توقعت فتره وتروح هبتها .. بس لما جربتها الصراحه ادمنتها بشكل مو طبيعي وفرق مكياجي صار احلى واجمل

افكار ومقترحات لـ صيف ممتع - Summer gathering ideas

* Happiness Corner - افكار لـ كورنر السعاده * - #كورنرـ القهوه

السلام عليكم حبيباتي :* 

اليوم موضوعنا عن ( كورنر القهوه ) كورنر القهوه يعتبر احلى مكان لعشاق القهوة حلو يكون عندج مكان فيه كل مستلزمات القهوه تلجأين له بـ وقت الي محتاجه تكونين ريلاكس ومرتاحه ، بشغلات بسيطة ممكن تحولين مكان صغيرون لـ مكان سعيد وتفوح ريحة القهوة منه 😍☕️ . 

تفاصيل ماكينة نسبريسو -هُنا-

يلا نبدي ؟

ماكينة القهوة نسبريسو - معلومات + نصايح + تفاصيل - Nespresso UMilk

السلام عليكم حبيباتي اليوم موضوعنا عن (ماكينة نسبريسو لـ القهوة )

بتكلم عن اكثر تفاصيل مهمة عن المكينة .

يلا نبدي ؟

أنا لي أكثر من سنة أبي مكينة نسبرسو  كل مره أدش المحل اسأل عن المميزات وأجرب  واطلع وما أخذها .. وكان السبب وقتها سعرها غالي وكنت طالبة  حزتها فـ حسيتها تعتبر من الكماليات في أشياء  أهم منها وخشيت فلوسي لي .. لما توظفت بعد جم شهر شريتها الحمد لله  , ( كانت عندي wish list – لستة أمنيات ) كل شهر اشتري شي بخاطري :* ( جربوها حلوه هالفكرة وتوفر عليكم :*)

ليش خذيتها ما خذيت نستله مع أنها تعتبر ارخص وكبسولاتها متوفرة بكل مكان ؟

نستله حلوه وتوافر الكبسولات بكل مكان هالشي حلو وسعرهم زين .. بس ما حسيت النكهات  قويه حيل بالنسبة لي والاهم أنا ما أحب طعم الحليب البودر بالكبسولات أفضل الحليب الفرش والي فيه رغوه .

قبل لا تشترين فكري  شنو احتياجج ؟

شنو المشروبات إلي تحبينها؟

 انا افضل اللاتيه , الكابتشينو  الأشياء إلي فيها حليب ومرات اشرب القهوة ساده , فـ على حسب تفضيلج وميزانيتج .

اما اذا بخاطرج حيل جمعي من مصروفج وتقدرين تاخذينها ان شاء الله .

نوع جهازي :

مواصفات ماكينة UMilk

اسمها Umilk   كنت محتارة بين أكثر من نوع ووحده من متابعاتي الجميلات  اقترحتها علي وإنها مناسبة كـ حجم وأداء ولونها حلو .. ( شكراً روآن :* )

لونها cream  اوف وايت – حبيتها أكثر من اللون الأسود وتلوق مع اثاثي الأبيض ماحبيت اللون يكون شاذ > دقيقه هههههههههه

طلب بلانر من موقع ارن كوندرن – Erin condren

السلام عليكم حبيباتي :*

اليوم موضوعنا وايد بنات طلبوه مني وشرحته جم مره بـ سناب جات بس للاسف سناب مو مرجع دام لاي شي لازم نوثقه بمكان ثابت .. ف انسب شي لهالموضوع البلوق  لان فيه شرح طويل وصور وخطوات ..

الموضوع اهو ( كيفية طلب بلانر من موقع ارن كوندرن – erin condren ) .

بس بالبداية بعرفكم عن البلانر شوي ..

عباره عن منظم اسبوعي \شهري لـ حياتكم يساعدكم على تنظيم يومكم ومواعيدكم المهمه وتكتبون فيه كل شي وتنظمون حياتكم ويعتبر شي يساعدكم تلتزمون بروتين وحياة منظمة ، انا حاليا اضيع بدونه .

تقسيمة المنظم :

بداية كل شهر منظم شهري كامل ( الشهر كله يبين عندكم وتحددون المواعيد المهمة )

بعدها المنظم الاسبوعي ( كل اسبوع له صفحات محدده )

اخر شي في اوراق فاضيه لـ كتابه الافكار السريعه

فيه نوته اضافيه تقدرون تشيلونها وتكون بالجنطه مثلا

نهاية المنظم في جيب بلاستك لحفظ الفواصل والـ ستكرز

كل شهر له لون معين واقتباس معين يكون ببداية الشهر

 الموقع يوفر لكم اكسسوارت جق البلانر ( غلاف بلانر -جيوب اضافية – ستكرز – اقلام – فواصل – الــخ )

* *تقدرون تغيرون الغلاف اكثر من مره ينباع منفصل - مميزات بشرحها بعدين **

حلو .. فاهمين لحد الحين ؟؟ يلا سوي لج كوفي او اي شي بارد تشربينه لان الموضوع يحتاج تكونين رايقه .. :*

...

يلا نبدي بطريقة الطلب بس قبلها في اشياء معينة لازم تكون عندكم :

 عنوان امريكي من اي شركة شحن (ارامكس \My Us  \بوستا بلس \الــخ ) تختارونها حسب الي يناسبكم وتقدرون تسوون البيانات كلها بالنت او تروحون مكتب شركة الشحن .

 فيديو - شرح شركة رامكس –شوب اند شيب

شركات الشحن توفر لكم عنواين باكثر من دولة كل الي عليكم تاخذون العنوان وتنسخونه بالخانات المطلوبة بالباداية تحسونه صعب بس مجرد ما تسون الخطوات اكثر من مره تتعودون عليه وتاخذ ايدكم على الموضوع

فيديو - شرح تعبئة البيانات في مواقع التسوق

 فيزا الكترونيه ** تعبئة** عباره عن فيزا خاصه بالتسوق اون لين تحولون لها مبلغ من حسابكم وتتسوقون فيه

ايميل ثابت وتستخدمونه دايماً « لتسجيل بالمواقع »

حساب باي بال: باي بال هو موقع ويب تجاري يسمح للمستخدم بتحويل المال عبر الإنترنت والبريد الإلكتروني لعناوين مختلفة. كما يمكن للمستخدم إرسال المال المرسل إليه إلى الآخرين أو تحويله لحساب في المصرف. ويكيبيديا

تسونه من خلال موقع الباي بال وتربطونه بـ بيانات الفيزا

شرح لـ عمل حساب باي بال

او من خلال موقع البنك

( بنك  الكويت الوطني يوفر هالخدمة بدون اي تعب )  تبطلون الاون لاين وطني وبعدها تروحون قسم الخدمات الشخصية مثل هالصوره :

الباي بال في ناحية امان كبيره ف اي موقع تسوق اون لاين تلقون من خلال وسائل الدفع باي بال اختاروها على طول ..لان في  مرات يوصلون الشحنه غلط او يضيعونها فـ تقدرون تتواصلون مع شركة الباي بال بالاضافة الى في مواقع ماتقبل فيزا كويتيه او سعوديه وما يضبط الطلب وينرفض لكن اذا دفعتوا عن طريق الباي بال مرات وغالبا تضبط .

خلصنا اول خطوة والباقي سهل ان شاء الله .

...

موقع البلانر :

Erin Condren

✨منتجات انستازيا لـ الحواجب ✨ ‏anastasia beverlyhills eyebrows products 😍💖

السلام عليكم حبيباتي :*

موضوعنا اليوم عن منتجات انستازيا لـ الحواجب :

.

اول شي شادو الحواجب ( تكون فيه درجتين فاتحه وغامجه ) الفاتحه لبدايه الحاجب والغامجه حق الحاجب كله

يناسب الي عندها حواجي بس تحتاج تعبئه وشكل طبيعي -

 انا ارش ع الفرشه فكس بلس عشان يصير شوي مائي ويرسم الاماكن الي مافيها شعر ..

حلو بس ماناسبني حسيت اني احتاج شي اقوى واثقل لان عندي فراغات .وحواجبي غير عن بعض ف لازم اضبط الرسمه . درجتي فيه ( دارك بروان ) 

.

جل الحواجب الكريمي : ثباته حلو ومايتحرك ولما ينشف يصير على باودر يعني مافيه لمعه الجل الخايسه لا كلش استخدمته فتره طويله حلوو وكل ما تزيدين يثقل الرسمه استخدمه لكل شي بس ثباته

مآسك منزلي لـ الترطيب ،النظآره + سكرب لـ الشفآيف

* ماسك الشوفان •

المقياس ( ملعقة وسط اصغر من ملعقة الطعام )

ملعقة شوفان

ملعقة عسل

ملعقة روب

نتفه قهوه 

نخلط جميع المكونات مع بعض 🌪

.

العسل يعطي نظاره ولمعه ، الشوفان يكون مثل السكرب ، القهوه تصحصح البشره لان فيها كافيين ، الروب يعطي ترطيب ونظاره .

الشوفان عادي مو مطحون 

اذا شفتو الكميه سائله زيدو شوفان 

الماسك ينحط بفرشه افضل

الكميه : تكفي استخدامين / اذا زاد غطوه وحطوه بالثلاجه حده يوم وبعدها ينقط .

المده : من ربع ساعه لي نص ساعه ويغسل بماي دافي وبعدها ننشف البشره ونرطبها 

.

💋 سكرب الشفايف 💋

المقياس ( ملعقة وسط اصغر من ملعقة الطعام )

ملعقه سكر

نص ملعقه فيتامين اي E

نص ملعقه زيت جوز الهند

شويه ملون طعام احمر

شويه نكهه توت او فانيلا 

نخلط جميع المكونات مع بعض ونحفظها بعلبه مصكره عدل بمكان بارد وجاف .

السكر مقشر / زيت جوز الهند & وفيتامين اي ترطيب / اللون الاحمر يكون تنت وملون شفايف 💋

نسنفر الشفايف ونغسلها بماي دافي وبعدها نحط lip balm 👌🏻  او اي زبده شفايف عندكم 

.

فوانيس انيقه جاهزه لـ الطباعه ..

السلام عليكم ورحمه الله  ..

مبارك عليكم الشهر حبيباتي .. وعساكم من عواده 


قبل جم يوم عرضت بسناب جات تصميمي لـ فوانيس استخدمتها ك كروت لهدايا رمضانيه ..

تقدرون تستخدمونها لزينه مثلا تطبعون اكثر من وحده وتعلقونهم .. 

بنك باستا سهله ولذيذه - Pink Pasta Recipe

🍝* بنك باستا سهله وسريعه * 🍝

الطريقه بالفيديو :

روتين الدلع والعنايه بنفسي + Diy بسيط :*

السلام عليكم حبيباتي :**

الواحد مع شغل الدوام او الجامعه ماله خلق نفسه والاهتمام بنفسه بالشكل الصح من كثر التعب واليوم الي مو مرتب وضايع بدون هدف ..

انا كنت انسانه مهمله بشكلي والاهتمام بانوثتي .. قاعده احاول كثر ما اقدر اهتم بنفسي اشتط اول اسبوع واطنش ..وعلى هالمنوال كلفتره اشوف البنات وعنايتهم احتر واسوي لي جدول عنايه بسيط اهتم فيه وهم اطنش بس اهب اول فتره !!! انزين وبعدين بعدها طفرت طفرت ووقفت حق نفسي يا انا يا الاهتمام بشكلي ..!

سويت لي جدول  معقول مافيه شي وايد وبالاشياء الي عندي ورتبتهم على هالاساس .. بالبدايه تلتزمون بترتيب الجدول لحد ما يصير هالشي عاده فيكم وتتعودون عليه ويصير من روتينكم اليومي .

مو شرط تستخدمون نفس المنتجات الي انا استخدمها بس تحطون اشياء تشابها عشان تكون عناية شامله

بالهالصوره تشوفون جدول عنايتي . نفسه الي حطيته قبل فتره مسويته حق رفيحتي عروس وطلبتوه مني ..

وبما اني انسانه نسايه شنو سويت ..؟

صممت لي تذكير بالاشياء المهمه الي كل يوم لازم اسويها بالاضافة الى دعاء واقتباس جميل :* وخليت الوانه جميله وشرحه :*

 وحطيتها بفريم حلو وخليته بمكان اشوفه بالدشه والطلعه عشان اتذكر . 

 وهم حطيت لي تذكير بالايفون ينبهني باوقات معينه مثلا اشرب ماي او اكل حبوب الفيتامينات الــخ..

Erin Condren Life Planner منظم ارن كوندرن وتجربتي وياه =)

السلام عليكم :, 

اليوم موضوعنا راح يكون عن البلانر او بلغتنا المنظم وايد وصلتني اسئله عليه 

شنو اهو ؟ شنو فكرته ؟ من وين ؟ بجم ؟

بالبدايه .. المنظم في انواع شهري وسنوي ويومي  , في منظمات فقط للمواعيد والتواريخ المهمه خلال الشهور والسنه ..

Erin Condren Planner Stickres ستكرز بلانر ارن كوندرن ..

السلام عليكم  .. 


قبل جم يوم بسناب Arab palnner تكلمت عن البلانر من اكثر من جهه و تعمقت بالتزين اكثر وشلون نصمم وغيره ,,

وسويت لكم تصميم سريع وريتكم تصاميمي والكل حبها وطلبتو مني انزلها لكم .. 


هذا التصميم ضغطو على اللنك .. 




Planner Stickres



او ضغطو على الصوره تتكبر :