* Happiness Corner - افكار لـ كورنر السعاده * - #كورنرـ القهوه

السلام عليكم حبيباتي :* 

اليوم موضوعنا عن ( كورنر القهوه ) كورنر القهوه يعتبر احلى مكان لعشاق القهوة حلو يكون عندج مكان فيه كل مستلزمات القهوه تلجأين له بـ وقت الي محتاجه تكونين ريلاكس ومرتاحه ، بشغلات بسيطة ممكن تحولين مكان صغيرون لـ مكان سعيد وتفوح ريحة القهوة منه 😍☕️ . 

تفاصيل ماكينة نسبريسو -هُنا-

يلا نبدي ؟

• الادوات :

نحتاج طاولة او ارفف انا استخدمت ارفف كتب من ايكيا جذي شكله : سعره بالموقع

خليت الماكينة فوق مع جارز الكبسولات  وعلبة الملاعق 

(( علبة الملاعق كانت شمعه من باث اند بودي وسويت لها اعادة تدوير ))

وتحت الماكينة حطيت مفرش نايلون لونه فوشي من دايسو قطع مقصوصة وجاهزه.

  

الرف الاول فيه ( السكر - النسكافيه -جاي اخضر - الملاعق )

والرف الي تحته حطيت الاكواب ملوتي واسخدمت ارفف من دايسو عشان تزيد مساحة التخزين بالرف ويصير الرف دورين وفي نفس فكرة الرف الاضافي بايكيا هذي صورته .

تفاصيل ارفف ايكيا

• المطبوعات :

دورت باكثر من مكان بنترست وتمبلر ابي اقتباسات عربية حلوه وجاهزه اطبعها ماحصلت شي يعجبني، المحتوى الانجليزي لقيت اكثر المهم طلعت لي جم اقتباس حلوين وسويتهم بالفوتوشوب الخلفية بيضاء و الخط اسود . مابغيته يكون زحمة . 

ركبلي العامل مسامير بالترتيب الي ابيه وطبعتهم على ورق مقوى بمقاس الاطار 6*4 ،حطيتهم بالاطار . 

الاطارات من ايكيا 

تفاصيل الاطار -ايكيا 

اخترت لكم اكثر من تصميم جمعتهم بـ نهاية البوست تحملونهم من هالرابط 

هُنا

 او تحفظونهم دايركت ( نهاية البوست )

• علبة الكبسولات :

حطيت جارز كوكيز 2 : الاول حطيت فيه الكبسولات الغير مستعمله

الجار الثاني ، ربطت عليه شريطه ورديه حطيت فيه كبسولات الي مخلصه وبسوي لها اعادة تدوير .

اعادة تدوير القهوه - هُنا -

• الاكسسورات :

قاعده الاكواب من دايسو وفي باكثر من مكان حسب ذوقكم ، انا احب الي تكون ربل تثبت الكوب ومايزلق .

*

الملاعق الي استخدمهم اكثر سؤال يسألونه البنات بـ سناب ..

شريتهم من المشايخ العقيله + تروفاليو 

دايسو بعد عنده شغلات غير وحلوه 

تلاقونهم بالاسواق الشعبيه غالبا وجاري البحث عن اماكن ثانيه  😜

اختيارتي لـ افكار كورنر القهوه من بنترست - هُنا -

تمت ،

اتمنى عجبكم البوست واستفدتو منه ، تعليقاتكم تسعدني :*